badovci

Niveli i ujit në liqenet akumuluese sipërfaqësore Batllavë dhe Badoc dhe cilësia e ujit që e konsumojmë,

Prishtinë , 13 nëntor  – Kompania Rajonale e Ujësjellësit ,, Prishtina ,, sh.a. njofton të gjithë konsumatorët në zonën e shërbimit se liqenet akumuluese sipërfaqësore Batllava dhe Badoci kanë shënuar një rënie të lehtë për shkak të mungesës së gjatë të reshjeve atmosferike mbi vendin tonë. Niveli i ujit në liqenin e Batllavës është ( – 3.59 m) nën kuotën maksimale derisa liqeni i Badocit ( -2.08 m ) nën kuotë maksimale.

Kryeqytetasit aktualisht janë duke u furnizuar me ujë të pijshëm nga sistemi i tre liqeneve akumuluese, nga liqeni i Ujmanit, Batllavës dhe ai i Badocit.

Pavarësisht rënies së lehtë të sasisë së ujit në liqenet furnizuese, KRU,,Prishtina,,sh.a. është duke shpërndarë ujë të pijshëm në mënyrë të barabartë te secili konsumatorë dhe atë 24 h pa ndërprerë.

Por, që ta ruajmë këtë tempo, atëherë çfarë mund të bëjë secili prej nesh, për të shpenzuar racionalisht ujin e pijshëm në sezonin vjeshtë / dimër, pasi që uji duhet të kursehet në çdo kohë , në çdo moment?

  • Mos lejoni të rrjedhë ujë kot nga rubineti juaj,
  • Mos përdorni ujin e pijshëm për të larë veturat,
  • Mos përdorni ujin e pijshëm për ndërtime të shumta në qytet,
  • Mos pastroni trotuaret me ujin e pijshëm,
  • Mos harroni t’i mbyllni çezmat tuaja, pasi lani dhëmbët,
  • Paguani rregullisht ujin që konsumoni,
  • Mos lejoni ndërhyrjet pa leje në rrjetin e ujësjellësit,
  • Të gjithë jemi përdorues të ujit prandaj, në të njejtën kohë jemi edhe përgjegjës për t’a shfrytëzuar atë në mënyrë sa më të drejtë,
  • Ujin mund t’a zëvendësojë vetëm uji, andaj kurseje atë, që ta keni kur ju duhet.

    Departamenti i cilësisë së ujit të pijshëm në kuadër të KRU,,Prishtina,,sh.a.

    Qëllimi kryesor i Departamentit të Cilësisë së Ujit është organizimi dhe funksionimi i tij si departament  për kontrollën e cilësisë së ujit, duke u bazuar në Standardet cilësore, aplikative ( U. A. 16/2012 ) dhe ato evropiane (Udhëzimi–Direktiva 98/83/EC) mbi cilësinë e ujit për përdorim nga njerëzit. Kjo direktivë përcakton dallimet në mes të parametrave mikrobiologjik dhe atyre fiziko- kimik. Aplikimi i standardeve është në interes të të gjithë konsumatorëve të  Prishtinës, Fushë Kosovës, Obiliqit, Shtimes, Lipjanit, Podujevës, Drenasit, Graçanicës dhe Fabrikës së trajtimit të ujit në SHKABAJ. Departamenti i cilësisë së ujit me planin e tij të monitorimit të  brendshëm  të cilësisë së ujit ka në procedurë fillimisht mbledhjen,  marrjen e mostrave të ujit të përpunuar nga rrjeti i ujësjellësit, aeratorëve, liqeneve , puseve dhe lumenjëve.

    Laboratorët shfrytëzojnë metoda standarde për parametrat të cilat janë të aprovuara nga BE, sipas procedurës të cilat janë dhënë me Direktivën 98 (93) EC. Mjetet dhe aparatet janë të sofistikuara kurse reagjentët janë të standardizuar dhe me afat.

    Sipas  planit mujor për monitorimin e brendshëm të cilësisë së ujit në KRU”Prishtina” sh.a,, të burimeve sipërfaqsore Albanik, Badoc, Bivolak, Mihaliq (Kanali i Ibër-Lepencit) si dhe burimeve nëntokësore  Kroni, Obiliq, Shtime, Lipjan, Peran (Podujevë), Miradi , Graqanicë dhe Vragoli si dhe pesëmbedhjetë pika në rrjetin e qytetit , në aplikim të monitorimit të shpejtë bazik dhe vijues kemi percjellë cilësinë e ujit të pijshëm në çdo pikë mostrimi.

    Cilësia e ujit  është e kontrolluar dhe testuar  me analiza fiziko-kimike dhe bakteriologjike sipas parametrave të cilët janë në Listën  A dhe C  në Udhëzimin Administrativ  Nr.16 / 2012 për cilësinë e ujit për konsum nga njeriu.

    Uji i pijshëm që shpërndahet për qytetarët, është i cilësisë së lartë, bazuar në  standardet e  përcaktuara më lartë.

foto per konferenc ne wewwwwwb

Rritet bashkëpunimi në mes të KRU ” Prishtina ” sh.a. dhe Postës së  Kosovës, shkak konsumatori

Prishtinë, 5 nëntor – Gjatë ditës së sotme përfaqësues të ndërmarrjes publike Posta e Kosovës u takuan me zyrtarë të lartë të Kompanisë Rajonale të Ujësjellësit “ Prishtina” sh.a.

Në këtë takim i cili u mbajt në zyret e drejtorisë së ujësjellësit të Prishtinës të pranishëm ishin, kryeshefi ekzekutiv i KRU”Prishtina” sh.a. Ilir Avdullahu dhe zyrtari kryesor financiar Sokol Duraku, kryeshefi ekzekutiv i Postës së Kosovës Sejdi Hoxha , zyrtari kryesor financiar i Postës  Behxhet Maliqi dhe drejtori i departamentit të shitjes Bashkim Mustafa.

Tema e takimit të sotëm në mes të të dyja palëve ishte, Përmirësimi i kualitetit të shërbimeve për konsumatorët të cilët janë pjesë e pandashme dhe shumë e rëndësishme për të dy ndërmarrjet publike.

Me qëllim të bashkëpunimit më të madh dhe me qëllim të përkrahjes së ndërmarrjes Posta e Kosovës, zyrtari kryesor financiar nga KRU”Prishtina” z. Duraku tha se kjo kompani është e gatshme që ta përkrahë Postën e Kosovës dhe morën vendim të përbashkët që në faturat e shërbimeve të ujësjellësit dhe kanalizimit të postohet llogaria e Postës, gjithnjë në shërbim të konsumatorit duke u munduar që t,ua lehtësojnë punën e pagesave për këto shërbime.

Përgjatë diskutimeve të njëpasnjëshme lidhur me shërbimet që i ofrojnë këto dy ndërmarrje konsumatorëve, sidomos pagesat e shërbimeve të ujit dhe kanalizimit që bëhen përmes Postës, u zotuan për përkrahje të dyanshme dhe u dakorduan që të gjitha veprimet t’i ndërmarrin bashkërisht.

“Do të jemi të gatshëm që të zgjerojmë bashkëpunimin edhe në fusha të tjera në mënyrë që qytetarëve tanë të ju ofrojmë shërbime sa më afër vendbanimeve të tyre dhe të njejtat të jenë sa më efikase” u shprehën ndër të tjerash kryeshefat ekzekutiv të të dyja ndërmarrjeve.

Shkabaj gypi

Fshati ,,Shkabaj,, në Prishtinë edhe gjatë ditës së sotme mbetet pa ujë të pijshëm, për arsye të tjera

Prishtinë, 5 nëntor – Kompania Rajonale e Ujësjellësit ,, Prishtina ,, sh.a. njofton konsumatorët e fshatit ,, Shkabaj,, se duke filluar nga orët e hershme të mëngjesit të ditës së sotme sërish mbetet pa furnizim me ujë të pijshëm. Por, kësaj radhe për arsye tjetër.Arsyeja e ndërprerjes së furnizimit me ujë të pijshëm është rrëshqitja e dheut mbi gypin e ujësjellësit nga një Investitor i cili është duke u marë me ndërtime të larta të banesave.Në këtë rast, investitori në fjalë duhet të jetë i obliguar nga komuna e Prishtinës që të bëjë sanimin e defektit dhe të jetë në shërbim të qytetarëve në mënyrë që sa më shpejtë t,u rikthehet furnizimi me ujë të pijshëm.

Pavarësisht dëmtimeve të tilla, meqë ujësjellësi u ka bërë disa herë thirrje publike investitorëve që të jenë më të kujdesshëm gjatë realizimit të projekteve të tyre ndërtimore, ekipet e ujësjellësit janë në vendin e ngjarjes dhe të përgatitur mirë që të ndihmojnë në sanimin e defektit në fjalë.

Shembja e dheut mbi gypin e ujësjellësit është në rrugën ,,Gjergj Balsha,, në lagjen ,, Arbëria ,, në Prishtinë.

Falënderojmë konsumatorët për mirëkuptim dhe shqetësimin e krijuar nga investitori!

nderpre uji

Fshati ,,Shkabaj,, do të mbetet pa ujë të pijshëm deri nesër në orën 18:00,

Prishtinë, 2 nëntor – KRU,,Prishtina,, sh.a. njofton  konsumatorët e fshatit ,, Shkabaj,, se, duke filluar nga ora 17:00 ditën e sotme, e deri nesër në orën 18:00 do të mbeten pa ujë të pijshëm. Arsyeja e ndërprerjes së furnizimit me ujë të pijshëm është realizimi i një intervenimi teknik nga ekipet e mirëmbajtjes së rrjetit të ujësjellësit në rrugën ,,Gjergj Balsha,, në lagjen ,,Arbëria,, në Prishtinë, gjegjësisht ndrrimi i një gypi me diametër 250 mm për shkak të dëmtimit dhe zëvendësimi i tij me një gyp të ri.

Këto punë teknike po bëhen për një sigurim më të mirë të furnizimit me ujë të pijshëm.

Falënderojmë konsumatorët për mirëkuptim!

thumbnail_Shtime komune

Komuna e Shtimes dhe udhëheqësit e Ujësjellësit “Prishtina” , bashkërendojnë planet konkrete zhvillimore,

Shtime , 1 nëntor – Zëvendëskryeshefi i Kompanisë Rajonale të Ujësjellësit ,,Prishtina,, sh.a. Kujtim Xhelili, zyrtari kryesor financiar Sokol Duraku dhe menaxheri i administratës Islam Caka, gjatë ditës së sotme takuan kryetarin e komunës së Shtimes Naim Ismajli dhe përfaqësues të tjerë të komunës.

Gjatë këtij takimi u diskutua për gjendjen e përgjithshme të infrastrukturës aktuale të rrjetit të ujësjellësit, ujërave të zeza, furnizimin me ujë të pijshëm për Komunën e Shtimes  me fshatra, investimet kapitale, planet konkrete të bashkëpunimit, projektet specifike zhvillimore, sfidat dhe vështirësitë me të cilat po përballet Ujësjellësi Rajonal “Prishtina” , borxhet e qytetarëve të kësaj komune ndaj shërbimeve të ujësjellësit dhe kanalizimit, që të gjitha në kontekst të zgjerimit të rrjetit dhe përmirësimit të shërbimeve ndaj konsumatorëve të kësaj komune dhe gjetja e një formule vetëdijësimi për pagesa të shërbimeve në mënyrë të vazhdimit të investimeve në këtë komunë nga ana e KRU ,, Prishtina ,, sh.a.. Komuna e Shtimes e kryesuar nga kryetari Ismajli tha se, me të gjitha kapacitetet e saj do e mbështesë fuqishëm këtë kompani në kontekst të avancimit të bashkëpunimit dhe bashkërendimit të investimeve si dhe trajtimit ndër institucional të çështjeve të sipër pëmendura.

Përgjatë diskutimeve të njëpasnjëshme, duke u zotuar për përkrahje të dyanshme, u dakorduan që të gjitha veprimet t’i ndërmarrin bashkërisht si:

  • Ngritjen e një Memorandumi Bashkëpunimi në mes të Kuvendit Komunal Shtime dhe KRU ”Prishtina” sh.a. me qëllim të bashkimit të projekteve investive mes vete si, zgjidhja e problemit me ujë të pijshëm e ndërlidhur me rezervuar dhe ujëra nëntokësore si dhe pagesa të rregullta për shërbime të ujësjellësit dhe kanalizimit në mënyrë që kjo kompani t,i rrisë investimet kapitale në këtë komunë.
rezervuaret

Zvogëlohet prodhimi i ujit nga fabrika e Badocit,

Prishtinë, 29 tetor – Kompania Rajonale e Ujësjellësit ” Prishtina ” sh.a.  njofton konsumatorët e zonave që furnizohen me ujë të pijshëm nga sistemi i Badocit / Hajvalia, Kishnica, Gracanica, Aktashi , zona qendër e Bregut të Diellit, dhe një pjese të lagjes së Muhaxhirëve në Prishtinë se, duke filluar nga mëngjesi i ditës së sotme mund ta ndjejnë mungesën e ujit të pijshëm.

Prodhimi i ujit nga fabrika e Badocit është zvogëluar nga 350 l/s në 200 l/s.

Arsyeja e zvogëlimit të prodhimit të ujit prej 150 l/s, janë disa probleme teknike në stacionin e pompave në fabrikën e Badocit.

Me zgjidhjen e këtij problemi teknik, janë duke u marë intenzivisht pjesa teknike në kuadër të drejtorisë teknike të KRU,,Prishtina,, sh.a.

Faleminderit për mirëkuptim!

save-water

Punime teknike në fshatin ,,Hajvali,, disa zona nesër mbesin pa ujë të pijshëm,

 Prishtinë, 26 tetor – Kompania Rajonale e Ujësjellësit ” Prishtina ” sh.a.  njofton konsumatorët e zonave / lagjja Veternik, lagjja Qëndresa, fshati Hajvali, Cagllavica, Mirdita, se gjatë ditës së nesërme 27 tetor 2018 e shtunë, do të mbesin pa ujë të pijshëm gjithsej 7 orë, duke filluar nga ora 09 – 16.

Arsyeja e ndërprerjes së furnizimit me ujë në zonat e lartëcekura , janë punimet teknike / intervenimi në tubin furnizues DN 250 mm në fshatin Hajvali. Këto punime teknike po realizohen me qëllim të përmirësimit të infrastrukturës së rrjetit të  ujësjellësit dhe kanalizimit.

Faleminderit për mirëkuptim!

Kurse ujin

,,Parku i Biznesit,, në Drenas nga sot mbetet pa ujë të pijshëm,

Prishtinë, 25 tetor – KRU ,,Prishtina,,  sh.a. njofton të gjithë konsumatorët e ,,Parkut të Biznesit,, në Drenas se, duke fillur nga dita e sotme e deri të dielën më 28 tetor 2018 do të kenë ndërprerje të furnizimit me ujë të pijshëm. Arsyeja e ndërprerjes së sistemit të furnizimit me ujë të pijshëm është se, në stacionin e pompimit në fshatin Vragoli kemi punë të planifikuara rehabilituese të objektit. Pasi nuk kemi alternativa të tjera, teknikisht nuk mundemi të furnizojmë ,,Parkun e Bisnesit,, me ujë të pijshëm. Punët e planifikuara përfshijnë, rehabilitimin e rezervuarit si  dhe vendosjen e një pompe të dytë.

Këto punë teknike po bëhen për një sigurim më të mirë të furnizimit me ujë të pijshëm enkas për ,,Parkun e Biznesit,, në komunën e Drenasit.

Falënderojmë konsumatorët për mirëkuptim!

3-baneri

KRU,,Prishtina,, sh.a. falënderon konsumatorët për vlerësimie publike ndaj ekipeve të mirëmbajtjes së rrjetit të ujësjellësit,

Prishtinë, 23 tetor – KRU,,Prishtina,, sh.a. vazhdimisht mundohet që konsumatorin e saj ta trajtojë në mënyrë të barabartë, pa  diskriminim duke u ofruar shërbime cilësore, furnizim me ujë të pijshëm cilësorë 24 h pa ndërprerë dhe lehtësira në pagesat e tyre ndaj shërbimeve të ujësjellësit dhe kanalizimit. Madje, si kompani publike ndoshta nuk jemi të përkryer, por së paku, jemi çdoherë afër konsumatorit. Një punë e kryer që nuk është parë, shpeshherë duket sikur mos të ishte kryer kurrë, por ka ende  njërëz që  dijnë të vlerësojnë punët e mira edhe nëse ato nuk vërehen.

Një shembull për të gjithë, një vlerësim real është dhënë nga një prej konsumatorëve tanë të cilin e falënderojmë për mbështetjen e dhënë ekipeve të mirëmbajtjes së rrjetit të ujësjellësit.

Gjeni postimin e tij, si vijon,

postimi i konsumatorit

Komuna-e-Prishtines

Komuna e Prishtinës ( si institucion) me borxh të madh ndaj shërbimeve të ujësjellësit dhe kanalizimit,

Prishtinë, 18 tetor  – KRU ,, Prishtina ,, sh.a. njofton opinionin e gjerë publik se, Komuna e Prishtinës si institucion, nuk paguan për shërbime të ujësjellësit dhe kanalizimit, përkundër përpjekjeve të mëdha të kompanisë që ka bërë për të gjetur zgjidhje përmes kërkesave të shumta për takime lidhur me këtë çështje.

Borxhet e Komunës së Prishtinës (si institucion) për ujë dhe kanalizim janë 307 mijë euro / borxh i institucioneve arsimore ( shkolla fillore dhe të mesme dhe kopshte publike) dhe nga kjo shumë, veq Kuvendi Komunal i Prishtinës me bashkësitë lokale i ka borxh mbi 9 mijë euro.

Kjo është vërejtja e fundit publike që po i bëhet këtij institucioni të rëndësishëm.

Nëse nuk ndërmarrin hapa konkret që t,i shlyejnë këto borxhe të mëdha, KRU,,Prishtina,, sh.a. së shpejti do të ndëmarrë hapa konkret, shkyçje nga të gjitha shërbimet dhe masa Ligjore Përmbarimore, në të njejtën mënyrë siç po i trajton edhe konsumatorët e tjerë borxhlinj në sektorin e amvisërisë.

Orientimi i të gjitha aktiviteteve të punës do të kenë  për fokus konsumatorin me të gjitha përfitimet dhe rreziqet pa asnjë diskriminim, ku të gjithë konsumatorët do të kenë trajtim human dhe çasje në shërbim.

KRU,,Prishtina,, sh.a. për shkak të sigurimit të shërbimeve cilësore të ujit të pijshëm në pajtim me standardet e Organizatës Botërore të Shëndetësisë, përfshirë furnizim me ujë të pijshëm dhe cilësorë 24 h pa ndërprerë , kërkon nga të gjithë konsumatorët në zonën e shërbimit / amvisëri, institucione e biznese që të jenë të rregullt në pagesat e tyre për shërbime të ujit dhe kanalizimit, sepse vetëm në këtë mënyrë është i mundur sigurimi i vetëqëndrueshmërisë financiare, kur dihet që ne si institucion, për t,u siguruar qytetarëve ujë të mjaftueshëm jemi duke e paguar kredinë prej 20 milion euro që e kemi marë nga Banka Gjermane për Zhvillim.

KRU ”Prishtina” sh.a. fton të gjithë konsumatorët  që;

-T’u përgjigjen pozitivisht të gjitha obligimeve financiare për shërbimet e ujësjellësit dhe kanalizimit, në të kundërtën KRU ,, Prishtina ,, sh.a. do të jetë e pakompromis kundrejt konsumatorëve borxhlinj, duke i ndëshkuar me shkyçje nga të gjitha shërbimet dhe masa të tjera ligjore përmbarimore,

-Të gjithë konsumatorëve që kanë përfituar nga Ligji për Faljen e Borxheve Publike, u bëjmë thirrje që të respektojnë në përpikmëri kontratat për riprogramimin e borxhit, gjithnjë duke paguar këstet e përcaktuara sipas kontratës së nënshkruar nga të dyja palët, në të kundërtën KRU,, Prishtina ,, sh.a të gjithë konsumatorëve që kanë përfituar nga ky Ligj dhe nuk iu janë përmbajtur kontratës, do të iu rikthehet borxhi i falur, bazuar në Ligjin për Faljen e Borxheve Publike dhe në të njejtën kohë edhe për këtë kategori do të merren masa ndëshkuese si, shkyçje nga shërbimet dhe masa Ligjore Përmbarimore.

KRU ”Prishtina” sh.a. falënderon të gjithë konsumatorët për pagesa të shërbimeve të ujësjellësit dhe kanalizimit!